Қазақстандық файтер ММА турнирінде жеңіске жетті
Алматыда өтіп жатқан OCTAGON 71 турнирі аясында кештің үшінші жекпе-жегі өтті, деп жазады Prosports.kz.
Жеңіл салмақта өзбекстандық Мансур Атаджонов (0-2) пен қазақстандық Азамат Түзелов (1-1) октагонда жолықты.
Жекпе-жек тең дәрежеде өтті. Үшінші раундта Түзелов қарсыласына партерде тыйым салынған тізе соққысын жасағанымен, айқас толық қашықтыққа созылды. Нәтижесінде төрешілер шешімімен жеңіс қазақстандық спортшыға бұйырды.
Еске салайық, турнирдің басты жекпе-жегінде әйелдер арасындағы аса жеңіл салмақта чемпиондық айқас өтеді. Қазақстандық файтер Аян Тұрсын (7-0) Қырғызстан өкілі Фарида Абдуевамен (4-1) кездеседі.
Ко-мейн ивентте өзбекстандық Сардор Худойбердиев (8-3) чемпиондық титулға бұрынғы үміткер қырғызстандық Арген Абдықадыр уулу (9-1) жартылай жеңіл салмақтағы бос чемпиондық белбеуді сарапқа салады.
Турнирдің бас серіктесі - UNDERDOG спорт агенттігі
OCTAGON лигасының титулды демеушісі – 1XBET букмекерлік компаниясы
OCTAGON 71 турнирінің ресми серіктесі - Gorilla Energy Drink