Америкалық жауынгер Шавкат Рахмоновқа төбелесуге ұсыныс жасады
Егер Шавкат Рахмонов бірден титул үшін жекпе-жекке шықпайтын болса рейтингтегі алтыншы нөмірлі жауынгер Хоакин Бакли онымен кездесуге дайын екенін айтты.
Америкалықтың пікірінше, Шавкат чемпиондыққа мүмкіндігін жіберіп алған.
«Шавкатқа екі мүмкіндік берілді, екеуінде де ол өзін көрсете алмады. Сен титулдық жекпе-жекке жай ғана сырттан қарап тұрып жете алмайсың. Егер қайта оралсаң және бұл титул үшін болмаса — онда менімен шық», — деді Бакли.
Чемпиондық жекпе-жек 11 мамыр күні таңертең өтеді: Белал Мұхаммед белбеуін бесінші нөмірдегі Джек Делла Маддаленаға қарсы қорғайды. Ол жарақат алған Шавкаттың орнына шықты.
Рахмонов UFC оған жылдың екінші жартысында чемпиондық жекпе-жек уәде еткенін айтқан. Бірақ наурызда жартылай орта салмақта жаңа көшбасшы пайда болды — Шон Брэди бұрынғы чемпион Леон Эдвардсты әсерлі түрде жеңіп, рейтингте бірінші орынға көтерілді.