Олжас Бектенов халықаралық спорт ұйымдарының басшылығымен спортты дамыту мәселелерін талқылады
Қазақстан Премьер-министрі Олжас Бектенов халықаралық спорт ұйымдарының өкілдерімен кездесу өткізді.
Қатысушылар қатарында – Ұлттық Олимпиадалық комитеттер қауымдастығының вице-президенті, Қатар Ұлттық Олимпиадалық комитетінің басшысы шейх Джоан бин Хамад бин Халифа Әл-Тани, Азия Олимпиадалық кеңесінің бас директоры және World Aquatics ұйымының президенті Хусейн әл-Мусаллам, Қатар ҰОК вице-президенті Тани Абдулрахман әл-Қаууари, ҚР Туризм және спорт министрі Ербол Мырзабосынов, Қазақстан ҰОК президенті Геннадий Головкин болды.
Тараптар халықаралық спорттық ынтымақтастықты кеңейту, олимпиадалық қозғалысты қолдау және Қазақстанда кәсіби және бұқаралық спортты дамыту үшін қолайлы жағдай жасау мәселелерін талқылады.
Спортшыларды даярлау, бірлескен оқу-жаттығу жиындарын ұйымдастыру, спорт инфрақұрылымын жаңғырту, сондай-ақ су спорты түрлерін дамыту салаларында халықаралық спорт ұйымдарымен ынтымақтастықтың болашағына ерекше назар аударылды. Қатысушылар халық арасында дене шынықтыру мен бұқаралық спортты танымал ету үшін спорттық кооперацияның маңыздылығын атап өтті