Қазақстандық футболшы Испанияның «Лас-Пальмас» клубына ауысуға жақын
«Астана» футбол командасының түлегі Нұралы Жақсылық Испанияның «Лас-Пальмас» клубына ауысуы мүмкін, деп хабарлайды Prosports.kz.
Испаниялық ұжым қазір қазақстандық футболшыны қатарына қосу үшін келіссөздер жүргізуде.
«Біздің ақпарат бойынша «Астана» клубының түлегі Нұралы Жақсылық мансабын Испания чемпионатында жалғастыруы мүмкін. Испаниялық «Лас-Пальмас» клубы 20-жастағы жартылай қорғаушыны өз қатарында көруді жоспарлауда»,- делінген kazakh_football_inside телеграмм-арнасының хабарламасында.
20-жастағы жартылай қорғаушы елордалық клуб сапында ҚПЛ-2025-те үш ойында өнер көрсетті. Футболшының нарықтық бағасы 100 мың еуро.
Ал «Лас-Пальмас» Испания Примерасында 27 турдан кейін 19-орында келеді.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или