Азия чемпионаты: Тікелей трансляция
2025 жылғы 25–30 наурыз аралығында Иордания астанасы Амманда күрестен Азия чемпионаты өтеді, деп хабарлайды Prosports.kz.
Байрақты бәсекеге 39 елден 370-тен астам спортшы қатысуда.
26 наурыз, сәрсенбі күні грек-рим күресінен жарыстың екінші күні өтеді. Бұл күні 60, 67, 72, 82 және 97 келі салмақ дәрежелеріндегі балуандар боз кілемге шығады. Қазақстан атынан Бахытжан Қабдыл (60 кг), Мейіржан Шермаханбет (67 кг), Әділхан Сатаев (72 кг), Омар Сатаев (82 кг) және Ильяс Гучигов (97 кг) сынға түседі.
Белдесулердің тікелей трансляциясы мына сілтеме бойынша қолжетімді болады.
Айта кетейік, грек-рим күресінен Азия чемпионатының алғашқы күні қазақстандықтар үш медаль жеңіп алды. 77 келі салмақта Ибрагим Магомадов пен 87 келіде Шамиль Ожаев қола жүлдегер атанды.