Қазақстан су добынан әйелдер құрамасы Азия чемпионатын үшінші орынмен аяқтады
Қазақстан құрамасы Қытайдың Чжаоцин қаласында өткен Азия чемпионатында қола жүлдеге қол жеткізді. Жүлделі орын үшін өткен шешуші кездесуде отандық спортшылар Өзбекстан құрамасын 13:6 есебімен айқын жеңді.
Турнир барысында қазақстандықтар бес матч өткізіп, үшеуінде жеңіске жетті. Олар Сингапурды (12:6), Гонконгты (25:6) және Өзбекстанды (13:6) тізе бүктірді. Алайда жарыстың басты фавориттері Қытай (6:21) мен Жапонияға (7:26) қарсы ойындарда жеңіліс тапты.
Қола медальға ие болғанымен, Қазақстан құрамасы Сингапурде өтетін әлем чемпионатына жолдама ала алмады. Бұл мүмкіндік Қытай мен Жапония құрамаларына бұйырып, олар финалда чемпиондық атақты сарапқа салады.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или