PGL бес киберспортшыны келісілген матчтар үшін шеттетті
PGL компаниясы келісілген матчтарға қатысқан деген айыппен бес киберспортшыны өмір бойына шеттеткенін мәлімдеді, деп хабарлайды Prosports.kz.
Санкцияға іліккен ойыншылар: ClouD, Sonic, high_shaggy, ValOdbka және Dmytro. Турнир ұйымдастырушылары нақты қай ойындарда тәртіп бұзылғанын ашып айтқан жоқ. Қазіргі уақытта басқа турнир ұйымдастырушыларының PGL шешімін қолдайтыны және тыйымды өз жарыстарына тарата ма, жоқ па, белгісіз.
Келісілген матчтар киберспорттағы өзекті мәселелердің бірі болып қала береді. Бұған дейін Riot Games Вьетнамның League of Legends VCS лигасынан Rainbow Warriors командасының бес ойыншысы бар 17 ойыншыны уақытша шеттеткен болатын. Сонымен қатар, аталған ұйымның менеджменті мен басшылығы өмір бойына шеттетілді.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или