«Астана» ВТБ Бірегей лигасы матчында тағы да жеңіліп қалды
Қазақстандық «Астана» баскетбол клубы ВТБ Бірегей лигасының тұрақты чемпионатында жеңілістер сериясын 20 матчқа дейін ұзартты, деп хабарлайды Prosports.kz.
Клубтың кезекті қарсыласы Екатеринбургтің «Уралмаш» командасы болды. Ойын 80:62 есебімен қонақтардың пайдасына аяқталды (22:7, 21:20, 23:22, 14:13).
Астаналық команда сапындағы ең нәтижелі ойыншы Аскар Майдекин болды. Оның еншісінде 14 ұпай. Ал «Уралмаш» қатарында матчтың нәтижелі ойыншысы Джеремайя Мартин болды. Ол 19 ұпай жинады.
Бұл «Астана» үшін қатарынан 20-жеңіліс болды. Клуб осы маусымда бірде-бір жеңіс тіркеген жоқ.
Келесі матчта, 17 желтоқсанда, «Астана» өз алаңында пермьдік «Парманы» қабылдайды.
ВТБ Бірегей лигасы. 20-тур «Астана» — «Уралмаш» 62:80 (7:22, 20:21, 22:23, 13:14).
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или