«Қазақ алыбы» танымал лигамен келісімшарт жасасты
Ресейлік «Наше Дело» спорт лигасы белгілі қазақстандық файтер Асылжан Бақытжанұлымен келісімшарт жасасқанын жариялады, деп хабарлайды Prosports.kz тілшісі ұйымның әлеуметтік желідегі парақшасына сілтеме жасап.
«Асылжан Бақытжанұлы – Алматыдан шыққан, «Сақ» және «Қазақ алыбы» деген лақап аттарымен танымал жекпе-жек шебері. Tapology рейтингінің Таяу Шығыстағы бірінші нөмірі. Асылжан өзінің нокаут жасау шеберлігімен әйгілі — 15 жеңістің тек төртеуі ғана төрешілер шешіміне дейін жеткен. Бақытжанұлы жартылай ауыр салмақтағы қатарды толықтырып, «Наше Дело» лигасының торына қазанда шығады», – делінген хабарламада.
Айта кетейік, Асылжан Бақытжанұлы Alash Pride FC, АСА, UAE Warriors және RCC лигаларындағы өнерімен танымал. Оның рекордында 10 жеңіс пен 5 жеңіліс бар.