Керим Даидов OCTAGON 58 турнирінде жекпе-жек өткізеді
Орта салмақтағы Еуразиялық жекпе-жек лигасының бұрынғы чемпионы қазақстандық Керим Даидов (9-1) OCTAGON 58 турнирінде жұдырықтасады, деп жазады Prosports.kz.
Ұйымның бұрынғы чемпионының қарсыласы ирандық Мухаммад Голами (4-1) болады.
Айта кетейік, кейінгі жекпе-жегінде Даидов қазақстандық Мурад Абдурахмановтан (9-2) жеңіліп, мансабындағы алғашқы жеңілісіне ұшыраған және чемпиондық титулынан айырылып қалған болатын.
17 мамырда Алматыда өтетін турнирдің басты жекпе-жегінде жартылай ауыр салмақтағы Қазақстан чемпионы Карим Рузбакиев (9-2) жерлесі Константин Меркуловқа қарсы (5-3) чемпиондық атағын қорғайды.
Алдағы турнирге билеттерді zakazbiletov.kz сайтынан сатып алуға болады
Турнирдің бас серіктесі - UNDERDOG спорт агенттігі
