«Манчестер Сити» вингері жазғы трансфер кезеңінде командадан кетуі мүмкін

«Манчестер Сити» вингері Джек Грилиш жазғы трансфер кезеңінде командадан кетуі мүмкін, деп хабарлайды Prosports.kz тілшісі.

Журналист Саймон Филлипстің мәліметінше, лондондық «Челси» команданы күшейту жолдарын қарастырып, ойыншыға көз тігіп отыр.

Джек Грилиш «Манчестер Сити» сапында 2021 жылдан бері ойнап келеді. Осы маусымда футболшы барлық турнирде 35 матчқа қатысып, 3 гол соғып, 3 нәтижелі пас берді. Ойыншының клубпен қазіргі келісімшарты 2027 жылдың жазына дейін есептелген.

Transfermarkt порталы футболшыны 65 миллион еуроға бағалап отыр.