БҚО дене шынықтыру және спорт басқармасының басшысы Жеңіс Нығметуллин спортшыларды қабылдады
Батыс Қазақстан облыстық дене шынықтыру және спорт басқармасының басшысы Жеңіс Нығметуллин Қазақстан тарихында шорт-тректен әлем чемпионатының алғашқы жүлдесін жеңіп алған Алина Ажғалиева мен бапкерлерін қабылдады.
Еске салсақ, Алина Польшаның Гданьск қаласында өткен шорт-тректен жасөспірімдер арасындағы әлем чемпионатында 1500 метр қашықтыққа жарысудан финалға шығып, мәреге екінші болып келген болатын.
Фото: БҚО Дене шынықтыру және спорт басқармасы
Басқарма басшысы Алинаны тарихи жеңісімен құттықтап, алдағы қатысатын дүбірлі додаларда да топ жаруына тілегін білдірді.
Кездесу соңында Алинаға сыйлық табыс етілді.
Ажғалиева Алина – қысқы спорт түрлері бойынша облыстық балалар-жасөспірімдер спорт мектебінің шорт-трек бөлімінде 4 жылғы спорттық жетілдіру тобының спортшысы, халықаралық дәрежедегі спорт шебері. Батыс Қазақстан инновациялық-технологиялық университетінің 2 курс студенті.
Фото: БҚО Дене шынықтыру және спорт басқармасы
Жетістіктері:
Шорт-тректен жасөспірімдер, жастар, ересектер арасындағы Қазақстан Республикасы Чемпионаттарының бірнеше дүркін чемпионы;
2019 ж. «Дети Азии» халықаралық ойындарында 2 орын;
2023 ж. дүниежүзілік универсиадада 2 орын;
2023 ж. Әлем Кубогының кезеңінде 3 орын;
2023 ж. Қазақстан Республикасының IV Қысқы жастар ойындарында 1 орын.
2024 ж. ақпанда Әлем Кубогының кезеңінде 2 орын;
2024 ж. юниорлар арасында Әлем чемпионатында 2 орын.
