Нұрбол Сүлейменов: Команда дайын, Астананы бетке аламыз

10-12 мамыр күндері Астанада дзюдодан рейтингілік Grand Slam турнирі өтеді. Аталған жарыс қарсаңында бас бапкер Нұрбол Сүлейменов пікірін бөлісті, деп хабарлайды Olympic.kz.

"Спортшылар бабында. Дайындық ойдағыдай өтті. Азия чемпионатынан кейін команда тынығып үлгерді. Енді 3 мамыр күні Астананы бетке аламыз. Жарыс басталғанға дейінгі дайындық елордада жалғасады", - деді Сүлейменов.

Айта кетелік, Астанадағы Grand Slam турнирі Олимпиада қарсаңында рейтингілік ұпай беретін соңғы үш жарыстың бірі саналады.