Жалғас Жұмағұлов АҚШ-та қандай қиындықтарға тап болғанын айтты
Аса жеңіл салмақта UFC-де өнер көрсететін қазақстандық файтер Жалғас Жұмағұлов (13-5) ораза айы уақытында АҚШ-тан Қазақстанға оралды, деп хабарлайды<span> </span>Prosports.kz.
Еске салайық, биыл наурыз басында Жұмағұлов АҚШ-қа жиын өткізуге аттанып, америкалық танымал American Top Team залында дайындық жұмыстарын жүргізген. Жалғас үшінші жекпе-жегін 10 шілдеде UFC 264 турнирінде өткізеді. Қазақстандықтың қарсыласы америкалық Джер Ривера (9-5) болады.
Елге оралған соң Жако <span>Arlan MMA Pro Team YouTube-каналына сұхбат берді.</span>
– Басында қиын болды. Тіл білмедім. Баспана, тамақтану мәселесі болды. Спортзалға қарама-қарсы қонақүй таптым, сонда тұрдым.
– American Top Team-де жаттығуды суретке түсіруге болмайды, тек бір селфиге рұқсат беріледі.
– Басында маған Марина Мороз бен оның жары (украиналық Марина Мороз UFC-де өнер көрсетеді, промоушендегі рекорды – 5-3), кеңестер берді, бапкер мәселесінде көмектесті. Мен оның командасында жаттықтым.<span> </span>
– Мария Агапованы көрдім, бірақ жаныма келмеді, алыстан қол бұлғады. Ол жерлесім ғой, жаныма келіп, жағдайымды сұрап, қандай көмек керегін сұрайды деп ойладым. Әрине, одан көмек сұрамас едім. <span> </span>
– Рамазан уақытында үйге келдім, АҚШ-қа 15-іне қарай кетемін, сол жақта жаттығу лагерін өткіземін, келісіп қойдым.
Сұхбаттың толық нұсқасын назарларыңызға ұсынамыз.